In memoriam Hein Seunis.

 

Wij ontvingen dit verhaal in het dialect. Wij hopen dat u dit kunt lezen. Anders is er wel iemand in de buurt die u kan helpen.

 

Hein weurtj gebore in het kleine Eller huuske op de Kampstraot. Hae waas de derdje in ein gezin wat later 4 breurs en 2 zussen zooj gaon telle. Zien jeugd waas neet zoee rooskleurig. Zien mooder euverleej al op jonge laeftied, woeedoor het gezin zich zelf most redde.

Hein haaj vreuger geine auto en alles wuertj met de zundap gedaon. Zoee stardje hae op 24 jaorige laeftied de zundap om richting spiegeltent bie Hohenwalt te gaon . Doa ontmoetje d’r oma, woee ze tot in de late eurkes hubbe gedanstj. 2 juni 1967 trooje ze in het huwelijksbeuutje in de kirk in Heytse. In 1972 werd ’t hoes op de Ribesstraot gebouwdj en mochte ze dao heure thoes van make. In 1968 en 1970 weurdje heur leefdje gezengeld met 2 zoone, Ben en Pier. 

Hein heet zo’n 40 jaor bie Van Aarsen gewirktj. En waat waas ter eine helle wirker, ieerst as machinebankwerker en later in het magazien. Daonaeve was Hein eine echte Eller man en erg actief in het durp. Zoee heet hae tot zien 83ste graven gedelfdj en appels geplocht bie Cor en Sjra. Auch waas ter actief in ’t kirkkoeer, woee hae ruum 60 jaor heet gezonge en auch ein ongersjeijing veur heet gekrege.

De meiste zulle Hein kinne as opzichter van het durp. Eedere daag leep of fietsdje hae zien rundje door Ell. Waas Hein al langs gekomme vandaag?

Mer zien groeetste hobby en passie waas toch waal ziene moestuin, baeter bekindj as de hoof. Waat waas d’r dao trots op. Veural de sjoeen bloome en tomaten woore heilig.

In 2000 en 2004 waerdje Hein opa. En waat waas d’r trots op zien twiee kleindochters, Merel en Sanne. Det waas zien alles.  

Rauke en pepermuntjes aete det waas typisch Hein. 

Nao ziene hartstilstandj in februari waas Hein nimmer de oeeje, mer waat kos d’r nog geneete van alle klein dinge, veural ziene tuin.

Hein waas eine man van weinig weurd, mer kost enorm geneete van ’t laeve. Helaas heet d’r met Kerst zien welverdeendje rust gevonje. Wae hoope det ze daobove hieel veul bloome en tomaten hubs om veur te zurge.

Laeve pap/opa wae gaon dich misse, mer noeets vergaete.

 

Wij wensen de familie Seunis  veel sterkte met het verwerken van dit grote verlies.

 

 

Bedankt voor het aanleveren van dit verhaal.